Zwickmui

Zwickmui oda Dilemma (griachisch δί-λημμα: „zwoagliadrige Onohm“) is a paradoxe Situation mit zwoa Woimeglichkeitn, wo boade entweda zu an unawinschtn oda zu an gleiweatign Eagebnis fian. Wann boade Alternativn zu an uneawinschtn Resultat fian, is a destruktive Zwickmui. Wann de Woimeglichkeitn zu an gleiweatign Eagebnis fian, is a konstruktive Zwickmui (schaug: Esl vom Buridan).

Da Begriff kimmt ausm Muispui, wo a Spuia ba oana Zwickmui oan Stoa zwischn zwoa Muin hi und hea bewegn ko. Im iwatrognan Sinn is des a ausweglose Situation, wo ma ned woass, fia wejchane Option ma si entscheidn soit.